Dhandhanggulo Pengiring Sujud Sapto Darmo

Sri Gutomo

Tembang Dhandhanggulo Pengiring Sujud Kerohanian Sapto Darmo.

• Gyo elingo, begjane kang lali.
• Lali Sujud Hyang Moho Kuwoso.
• Lali ing solah bawane.
• Luwih begjo kang mituhu.
• Eling Sujud Allah sawiji.
• Waspodo solah bowo.
• Mawas dhirinipun.
• Iku manungso sanyoto.
• Hamumpuni kaluhuraning Negari.
• Mulyo madyo wasono.

• Umpamakno, wong urip puniko.
• Alelono saurute margo.
• Prasasat mung mampir ngombe.
• Umpamakno manuk mabur.
• Ucul sosko kurungan neki.
• Mencoka kang prasojo.
• Ywo kongsi kalentu.
• Umpamakno wong kang sonjo.
• Lah elingo lamun sonjo bakal bali.
• Bali mring mulaniro.

• Wong kang urip, ing ndonyo puniko.
• Paribasan wong nyang pasar.
• Tan langgeng neng pasar wae.
• Tan wurung temtu mantuk.
• Marang wisman-iro ing uni.
• Lamun siro tan wikan.
• Margining puniku.
• Biso kesasar belasar.
• Koyo kewan tan wruh sangkaning dumadi.
• Marmo jebeng nyatakno.

• Mumpung jebeng, siro maksi uri.
• Anyatakno ywo kandheg carito.
• Karep ben  wruh rupo rasane.
• Rasakno urip iku.
• Wani mati sajroning urip.
• Yekti dadio manungso.
• Kinasih Hyang Agung.
• Biso mulih asaliro.
• Sebab urip langgeng tan kenaningpat.
• Ing ndonyo myang akherat.

• Kawruhono, dununging wong urip.
• Lamun mbenjang manggih palastro.
• Wong mati ngendi parane.
• Umpomo manuk mabur.
• Medal saking kurungan neki.
• Umpomo wong sesanjan.
• Mbenjang temtu mantuk.
• Pomo dipun kawruhono.
• Lamun siro ing tembe tumekeng pati.
• Ojo leno sangkan paran.

• Sayektine mulyo kaupadi.
• Punopo-to kamulyan puniko.
• Tan temtu rojo branane.
• Tan ugi drajat ipun.
• Nadyan kathah ing brono picis.
• Alenggah ing darajat.
• Paribasanipun.
• Kalamun anandhang sisah.
• Manuhoro kasangsayaning pribadi.
• Tan badhe manggih mulyo.

• Prasajanekamulyan sejati.
• Namung aneng raos kang ngraosno.
• Ayem tentrem sayektine.
• Saras sariranipun.
• Raos tentrem aneng pribadi.
• Sanadyan to prasojo.
• Aneng gesang ipun.
• Manggih kamulyaning roso.
• Aneng gesang sumunarkatingal asri.
• Dadyo ing sudarsono.

• Panggayuhe kamulyan sejati.
• Kang sihe Hyang Moho kuwoso.
• Lamun temen pangudine.
• Sumarah gesang-ipun.
• Awit Gusti murbeng dumadi.
• Sedoyo kang ginelar.
• Saking karsanipun.
• Poro janmo ngupoyoa.
• Samudoyo sing mesthi bakal mumpuni.
• Panjangkane prasojo.

• Wus wancine margi kang utami.
• Sapto Darmo dadiyo lakuniro.
• Sanyoto luhur budine.
• Wahyu suci tumurun.
• Aneng tlatah pare kedhiri.
• Simbul pribadining janmo.
• Toto-coro Sujud.
• Paugeran Sapto Darmo.
• Sapto pitu Darmo kuwajiban suci.
• Kwajibaning pro wargo.

• Sapto Darmo piwulang pakarti.
• Panuntun gung Sri Gutomo.
• Ingkang nampi wahyune.
• Saking Hyang Moho Agung.
• Panuntunan ing ilmu aji.
• Gyo dadiyo satriyo.
• Satriyo kang luhur.
• Kuru aking napsuniro.
• Aji keluhuraring rokani.
• Tuladhane poro janmo.

• Wus katampi ing simbul pribadhi.
• Gambar simbul pribadining janmo.
• Belah ketupat wujude.
• Iku minongko wujud.
• Blegering manungso puniko.
• Wujude badan wadhag.
• Nggih rokhani-nipun.
• Ing ndi wae pro wargo.
• Lan marang sopo wae sesanti aji.
• Nyinar pindho baskoro.

• Urip iku ing ndonyo tan-lami.
• Umpamane jebeng menyang pasar.
• Tan langgeng ing pasarwae.
• Tan wurung temtu mantuk.
• Maring wismo sangkaning uni.
• Ing mengko ojo samar.
• Sangkan paran-ipun.
• Ing mengko podho weruho.
• Yen asale sangkan paran duking uni.
• Ojo nganti kesasar.

• Sri Gutomo dinangu Hyang Widhi.
• Opo siro biso madhangake jagat.
• Lan opo gegamane.
• Sri Gutomo hamatur.
• Sapdo dalem dhuh sang Hyang Widhi.
• Sri Gutomo kuwi opo.
• Ratu budi luhur.
• Elingelingo manungso.
• Sujudo lan mertobato mring Hyang Widhi.
• Bagyo ndonyo akherat.

• Sri Gutomo wus paring piweling.
• Den telingno dumelinging jarwo.
• Binuko gyo wewarahe.
• Nuntun manembah Sujud.
• Mertobato mring sang Hyang Widhi.
• Wruh mulo-mulaniro.
• Dadiyo pepemut.
• Sukeng Nur Cahyo Nur Roso.
• Mrih sampurno imbuh sarine bumi.
• Tan becik tumindak cidro.

• No Pandhito kang akaryo wangsit.
• Pindho kumbang pangajab ing tawang.
• Susuh angin ngendi nggone.
• Lawan galihe kangkung.
• Manuk mabur luke kagiri.
• Tapake kuntul nglayang.
• Sopo ingkang weruh.
• Mek geni sarwi dedamar,
• Yen mek banyu pikulane wareh.
• Kusumo ajabing tawang.

• Siwo patih, marmo sun timbali.
• Ingsun paring weruh marang siro.
• Yen ingsun antuk wangsite.
• Soko dewo linuhung.
• Sarananing paprangan iki.
• Kang biso mbengkas karyo.
• Bocah songko nggunung.
• Kekasih Damarsesongko.
• Siwo patih upayanen den aglis.
• Ywo kongsi kepanggihyo.

• Urip iro gunakno marsudi.
• Marsudi-rokhani jiworogo.
• Rasakno sari rasane.
• Pucuk sikil trus mbun-embun.
• Sinar Cahya trus sunyo ruri.
• Gyo jumbuh seger sumyah.
• Guni jroning kalbu.
• Napsu budi pakarti dyah.
• Karanane ngumbahe nggennyo teteki.
• Grojokan sewu kepanggyo.