Senin, 29 Juni 2020
Tembang Durmo Pengiring Sujud Kerohanian Sapto Darmo.
- W a s p a d a k n o
- Lampahing sang tirto
- Urut ululo neki
- Dhahat alus iro
- Lampahing risang tirto
- Toyo sarining aurip
- Ageng dayano
- Mring pribadinto kaki
- A l o n A l o n
- Minggah lampahing tirto
- Risang perwitosari
- Marmo den prayitno
- Ywo siro nganti leno
- Ucul nggennyo anggondheli
- Roso kang mulyo
- Ywo kongsi karyo rugi
- S e t i t e k n o
- Sak solahe tirto mulyo
- Ywo nganto mrucut kaki
- Yeku unggah iro
- Ponang toyo perwito
- Urut wijang inggah neki
- Nut ngget-nggetan nyo
- Witing kang nogo sari
- D e n p r a y i t n o
- Lamun risang tirto marto
- Ngancik mring roso tali
- Kang dumunung ono
- Sawingking puser iro
- Tali roso ingkang nami
- Kendel sakedhap
- Saperlu angresiki
- T a l i r o s o
- Supados akaryo gampang
- Lampahing tirto sari
- Laju minggahiro
- Mring tali roso WO
- Kendel nggeniro lumaris
- Trus taliroso
- TO punuk pernah neki
- Pan ing mriko
- Sayekti gawat kaliwat
- Amargo tirto sari
- Arso manjing marang
- Jroning jonggreng saloko
- Manunggal dadi sawiji
- Lan Cahyaning Hyang
- Cahyo sinar Ilahi
- Yo ing kana
- Sinar roso sinar tirto
- Lawan sinar Ilahi
- Pan samyo manunggal
- Dadiyo atum berjiwa
- Kasiyate nggegirisi
- Mring pribadinto
- Tuhu nugrahaning Widhi
- Kang prayitno
- Ywo age-age kaseso
- Tahanen dhingin kaki
- Yo mustakaniro
- Gonggang nyo klawan sanggar
- Sacengkang wus cukup kaki
- Lamun wus kroso
- Mlebeting toyo sari
- M a r a n g o t a k
- Agengnyo jonggreng saloko
- Nglangkungi otak alit
- Ndhingkluking mustoko
- Neng sanggar den waroto
- Klawan grananiro nenggih
- Wusnyo mangkono
- Ngunjal ambekagan lirih
- A n g r a s a k n o
- Pernahing mbun-mbunaniro
- Trus mandhap cethak kaki
- Laju poking ilat
- Kemucur iduniro
- Kendelno langkung rumiyin
- Ngrasakno marang
- Pucuking ilat neki
- Kang kumitir
- Pernah pucuk ilat iro
- Tumrecep roso neki
- Lamun wis mangkono
- Ulunen iduniro
- Lajeng ngucap njroning batin
- Klawan nalongso
- Pasrah marang Hyang Widhi
- Moho Sucinyo
- Sujud Hyang Mohokuwoso
- Ngantos jangkep kaping tri
- Sawusnyo mangkono
- Ndengengek aken sariro
- Ngematno mandhaping warih
- Atum berjiwa
- Marang telenging dhiri
- Tuhu ageng nyo
- Kasiyate risang tirto
- Atum berjiwa kuwi
- Biso sung kamulyan
- Ing ndonyo lan ndelahan
- Sinare Hyang Moho Adil
- Marmo prowargo
- Den ngabekti mring Hyang Widhi
- Ngrumangsanono
- Yen kito titah sawantah
- Kudu tansah ngabekti
- Mring kang paring gesang
- Yo Hyang Moho Kuwoso
- Kang nitah aken bumi langit
- Saisi niro
- Kawengku ing Hyang Widhi
- S a w u s i r o
- Ngrasakne pernahing dhodho
- Miwah saranduning dhiri
- Wangsul mring mbun-mbunan
- Terus mring silit kodhok
- Mbungkuk alon-alon malih
- Kadyo ing ngarso
- Amung ngucap neki
- Kesalahane
- Hyang Moho sucine minto
- Apuraning Hyang Widhi
- Ngucap kaping tigo
- Bali lenggah satoto
- Ngrasakne ing dho dho malih
- Ngantos karoso
- Asrep lapang sayekti
- Mbungkuk malih
- Jangkep ingkang kaping tigo
- Tan bedolan ingkang dhingin
- Namung ucap iro
- Hyang Mohosuci mertobat
- Mrin Hyang Moho Kwoso nenggih
- Wusnyo mangkono
- Kito ndengengek malih
- Aywo supe
- Sajroning siro manembah
- Maring Hyang Moho Adil
- Lamun ono godho
- Lahir lan batiniro
- Pangroso manekowarni
- Ngen ngen gagasan
- Menyang pikir kang ngribeti
- Godho lahir
- Anane ponang suworo
- Kang akaryo kaget kaki
- Lan menglenging badan
- Byarno ingkang paningal
- Ngucap kunciningHyang Widhi
- Wusnyo mangkono
- Ngerem ken tinggal malih
- Iku sasat
- Sato moro sato leno
- Panggodha lebur dadi
- Karyo hening iro
- Dadyo mat sujudiro
- Mapan iku kang di udi
- Wus paripurno
- Sak pasujudan wajib