Megatruh Tembang Pengiring Sujud Sapto Darmo

Tembang Megatruh punika, kula aturaken ing pangangkah kejawi kagem pengiring Sujud, ugi sageto nambahi pangertosan, lan methik manfaat ipun, menggah ipun wargo Kerohanian Sapto Darmo ing pundi papan.

• Ilirono jasmani-yo rokhanimu,
• Nglilir marang ing Hyang Widhi,
• Pangayoman kang satuhu,
• Sayekti Moho linuwih,
• Rahayu asih Hyang Manon

• Lamun wargo mangastuti Moho Agung
• Lenggah lir pratimo rukmi
• Pranatane samyo Sujud,
• Sareh sumeleh ing sepi
• Aniti lampahing raos.

• Marep ngetan nggennyo nindak aken Sujud
• Sujud dumadining jami,
• Netepi dhawuhing Wahyu,
• Miturut ubenging bumi,
• Bekti mring Hyang Moho Kwaos. 

• Sigra milir kang gethek sinangga bajul
• Kawan dasa kang njageni
• Ing ngarsa miwah ing pungkur
• Tanapi ing kanan kering
• Kang gèthèk lampahnya alon

• Aywa kliru kang jeneng urip iku
• Ya kang gumelar neng bumi
• Sing bisa branahan iku
• Run tumurun ing salami
• Tetuwuhan kewan janma

• Kacarita kyana patih dhendhabahu
• Pan sarwia teken encis
• Amenggang gesar wawulung
• Apindha jakir nagari
• Yen ka anggul janma menggok

• Kangwas kitha mangsa kenaa kaliru
• Suwanda-suwanda yekti
• Sasra bau sasra bau
• Yen lagi kinarya silih
• Yekti lang sipating loro

• Dhuh Gusti ku Sri Rama kang hambeg sadu
• Patik bra hatur hudani
• Kalamun kusumaningrum
• Dyah Sinta sinaut wani
• Dening Ngalengka sang katong

• Yen woh-wohan enak mentah iku timus
• Enak mateng iku kweni
• Manggis enak blibaripun
• Palem enak mateng ati
• Salak enak rada bosok

• Kabeh iku mung manungsa kang pinujul
• marga duwe lahir batin
• jroning urip iku mau
• isi ati klawan budi
• iku pirantine ewong

• Puluh puluh wus begjane awak ingsun
• Kudu pisah yayah wibi
• Tan langgeng den mong wong sepuh
• Baya wus karsaning Widhi
• Pinasthi dhewe wak ing ngong

• Dhuh Dhuh Dewa Bathara ingkang linuhung
• Mugi paringa aksami
• Mring dasih kang wlas ayun
• Kasangsaya gung prihatin
• Sru nalangsa jroning batos

• Nora kena sinelak selak pineluk
• Mringkang ngadhang adhang sisip
• Yen lara anggepi reku
• Temah kether maring ngening
• Adoh kaelet tan adhoh.