Mijil Tembang Pengiring Sujud Sapto Darmo

Tembang Mijil punika, kula aturaken ing pangangkah kejawi kagem pengiring Sujud, ugi sageto nambahi pangertosan, lan methik manfaat ipun, menggah ipun wargo Kerohanian Sapto Darmo ing pundi papan.

• Poma kaki podho dipun eling,
• Mring pitutur ingong,
• Siro ugo satriyo arane,
• Kudu anteng jatmiko ing budi,
• Tulus sarto wasis,
• samubarang ipun.

• Sujud iro marang Gusti kaki,
• Udinen mring kosong,
• Ywo ono ga-gasan opo wae,
• Den udinen semelehing ati,
• Lir suwung sayekti,
• ical pamrihipun.

• Madhep ngetan Sujud iku kaki,
• Ku ngemu pasemon,
• Ngeling ake marang wiwitane,
• Asal putih bali putih yekti,
• Sowan mring Hyang Widhi,
• Mulih mulanipun.

• Uwis pinter nanging iku maksih,
• Nggoniro ngupados,
• Ing undhaking yo kapinterane,
• Myang unggahe kawruh kang sayekti,
• Durung marem batin,
• Lamun durung tutug

• Ing kawruh-i-ro kang den senengi
• Kang wus seming batos
• Kapinteran kang ono gunane
• Samubarng ing pakaryan uwis
• Nora nganggo lali
• Kabeh wus kawengku

• Yenuwong-ku-rang narimo ugi,
• Iku luwih awon,
• Barang gawe ojo age-age,
• Anganggowa sabar lawan ririh,
• Dadi barang kardi,
• Resik tur rahayu.

• Mung margane bakal biso bali,
• Sowan mring Hyang Manon,
• Ywo kalepyan marang ing Sujude,
• Lan tumindak sakbenere kaki,
• Den awas den titi,
• Kehken darmanipun.

• Ojo podho lali siro kaki,
• Marang uripiro,
• Reksanen-di-men ono gunane,
• Ywo kongsi-sor lan napsu nireki,
• Nut Hyang Moho Suci,
• Udinen mring lutut.

• Lan den nedya prawira ing batin
• Nanging aja katon
• Sasabana yen durung mangsane
• Kekendelan aja wani Mingkis
• Wiwika ing batin
• Den samar den semu

• Lan den sami mantep maring becik
• Lan ta wekas ingong
• Ojo kurang iya panrimane
• Yen wos tinitah maring Hayang Widi
• Ing badan puniki
• Wus papancenipun

• Jantraning lelakon deking wuni.
• Wus sinrateng kono.
• Kadya wayang ginelar dhalange.
• Jangkane lelakon kang tinulis.
• Gusti maha suci.
• Kabeh kang tinemu.

• Ngupaya tumindaking pambudi.
• Mring laku mangkono.
• Anut piwulanging agamane.
• Sakehing panacad densingkiri.
• Mring liyan agami.
• Becike satuhu.

Mugyo karenan ing pengalih warga kerohanian sapto darmo, kathah kekiranganipun sakestu penulis mawantu - wantu nyuwun agenging pangapunten. Maturnuwun...