Pangkur Tembang Pengiring Sujud Sapto Darmo

Tembang pangkur punika, kula aturaken ing pangangkah kejawi kagem Pengiring Sujud, ugi sageto nambahi pangertosan, lan methik manfaat ipun, menggah ipun wargo Kerohanian Sapto Darmo ing pundi papan. Namung senadyan mekaten, tembang punika taksih kathah kekirangan ipun, awit saking puniko penulis mawantu-wantu nyuwun panyaruwenipun para maos.

• Simbul pribadi manungso,
• Awangun belah ketupat kang edi,
• Pojok papat dumunungipun,
• Nginggil Nur Cahya Allah,
• Tengen lumantar bopo kiwo punbiyung,
• Kang ngandap sari pertolo,
• Asal usulipun janmi.

• Kang ijem sepuh puniko,
• Ingkang minongko wengku aneng pinggire,
• Badan wadhag dunungipun,
• Ugi minonko wadah,
• Ingkang sanyoto inggih jasmaninipun,
• Badan wadhag kasat netro,
• Wujude manungso iki

• Mawi dasar ijo moyo,,
• Sinar cahya Allah kang anawengi,
• Jasmani rokhaninipun,
• Jejering pro manungso,
• Napsu budi pakartine ingkang luhur,
• Dumunung ing ijo moyo,
• Pangudi ingkang sejati.

• Ireng abang kuning pethak,
• Napsu-napsuning manungso puniki,
• Ireng dumunung ing tutuk,
• Kang abang ing talingan,
• Ingkang kuning dumununging netranipun,
• Pethak dumunung ing grono,
• Aran saptorenggo aji.

• Ireng abang kuning pethak,
• Awangun bunderan sarto ageng alit,
• Perangane howo napsu,
• Dumunung ponco ndriyo,
• Awangun bunder kapitadosanipun,
• Owah gingsir alam ndonyo,
• Nyokro manggilingan yekti.

• Werdinipun segi tigo,
• Tri manunggal kedadiane poro janmi,
• Nginggil Nur Cahyo satuhu,
• TengenNur roso bopo,
• Ingkang kiwo Nurbuat saking pun biyung
• Winengku kuning puniko,
• Nuring Allah kang nglimputi.

• Segi tigo kaping tigo,
• Babahan howo kagunganing pro janmi,
• Jangkep jangkeping tinutup,
• Tinutup dining semar,
• Milo jangkep sedoso babahan ipun,
• Semar semaring manungso,
• Jejere Hyang Moho Suci.

• Sang Semar ngagem klinthingan,
• Katabuh minangkane nggo tondo bukti,
• Thukuling wewarah luhur,
• Wewarah Sapto Darmo,
• Kang sayekti wahyuning Hyang Moho Agung,
• Tumurun ing tanah jowo,
• Paugeran kang sejati.

• Wewarah ing Sapto Darmo,
• Sapto pitu Darmo kuwajiban suci,
• Paugeran warganipun,
• Dadiyo lelakuniro,
• Aneng bebrayan ing sabendintenipun,
• Tansyah peparing tulodho,
• Lelaku ingkang utami.

• Sang Semar ngagem klinthingan,
• Minongko sabdo pangandiko kang sekti,
• Agung dono rasanipun,
• Paring sabdo usodo,
• Sang Semar kagungan kuncung ing mbun-embun,
• Pudhak sinumpet puniko,
• Papaning Hyang Moho Suci.

• Semar nuding astaniro,
• Nedah aken sesembahan kang sejati,
• Mung Allah Hyang Moho Agung,
• Sesembahan manungso,
• Astane nggegem ngugemi roso kang luhur,
• Berbudi bowo leksono,
• Panuntuning poro janmi.

• Hang ngagem kampuh kang limo,
• Pancasilaning Allah ingkang sayekti,
• Sipat Allah dunung ipun,
• Sageto anulado,
• Sang Semar nglenggahi samudayanipun,
• Hamung Ismoyo sajugo,
• Darmaning Hyang Moho Suci

• Jaman edan werdiniro,
• Jamane-u wong podho-o ra mangerti,
• Nora ngerti bener luput,
• Sang soyo melu edan,
• Ngerti luput soyo mberung ora emut,
• Awit ajrih tan keduman,
• Agenging pamrih pribadi