Sapta Darma Wejangan Bopo Panuntun Sri Gutama

MANUNGSA

Sipat manungsa kabeh dadi utusaning Allah. Kang diutus yakuwi : Nur kang Suci. Ingkang gubel ing manungsa kabeh yaiku : 1. Nur Ras : 2. Nur Buat : 3. Nur Cahya. Apa sebabe dene uwong kang digdaya ora tedas dibacok ? Jalaran wong kang ora tedas dibacok sayekti ngemban dawuh - dawuh saka Allah. Dadi utusaning Allah. Urip kita kabeh ing alam donya iki kanguripi mung rasa. Sugih miskin ya saka rasa. Wong urip dadi jalaran saka getih lan napas kabeh bebarengan.

Mula manungsa yen kabeh kepingin nyumurupi anane Rasa kudu gladhi Rasa neng sira kabeh wuga kadunungan Rasa. Aja banjur Rasa mau kok ecer-ecer. Sing demen mangolah Rasa, gladhi Rasa menghemat, Rasa bakal dadi manungsa kang Waskitha, lan jalma pinilih.Lungguhe Rasa jero lan Rasa wadag kabeh kudu manunggal. Rasa kena di bagi utawa diendum. Nanging ora kena di ecer-ecer.

Jalaran tegese kita ngedua lan bage Rasa yakuwi kita tetulung marang sapa bae kanthi ora duweni pamrih, kajaba mung welas asih lan gawe mareming liyan. Mula sira kaki kabeh bae ing alam donya iki nglakonana tumindak kang becik ayem lan tentrem. Bok menawa jenenge sira besuk bali menyang Nirwana Jati wis kari anjujug ing panggonan sira samesthine. Ora ndadak bingung lan ora was sumelang maneh. Para warga kakudang-kudang, kalela-lela karo Hyang Maha Kuwasa. Mula panjengan kabeh beda karo manungsa utawa paratitah/kabeh.

Mula jeneng sira kulup aja nganti nduweni watak kaya watake Somba utawa lesmana Mondoroka. Sabda anggone ora mangerti Si Somba lan Lesmana marang dawuh-dawuh saka Hyang Maha Kuwasa. Nganti deweke yab-yaban kaya wong edan utawa kaya wong gendheng. Mula para Warga menawi panjenengan mboten saged mangertosi dhawuh-dhawuh saking Allah, dateng pundi para Warga purugipun? Boten sanes punika naming nyingkiri pados padunungan ingkan suci lan kang samesthinipun. Pangemban Raos kang minulya, inggih punika panjenengan sedaya kabeh wong kadunungan Rasa kok bisa beda rasane ?

 
Jalaran para Warga ingkang laminipun sampun wonten 2,5 tahun (kalih setengah tahun) punika dereng wonten sari. Mila ingriki Sapta Darma saged nerangaken tapa 100 tahun (seratus tahun) menawi mboten nglangkungi jembatan “Sapta Darma” , tengah lamun badhe kadunungan Sabda lan ora bakal duweni lambe kang landhep. Lambe landhep ateges : sok ora tumbak cucukan, jelase lambe landhep yen ana bebaya. Mula kita kabeh sarahne wus kadunungan lambe kang landhep lan sapda kang luhur, bisa ngemut inten utawa sesatya.

Mula kulup kowe kabeh sanadyan nglakoni sujud sedina kaping satus sowan Hyang Maha Kuwasa – yen lakune isih kasar muspra ora bisa diakoni lan ditrima becik karo Hyang Maha Kuwasa – Sarehne kowe kabeh wus kadunungan Rasa Sabda kang becik lan suci – yen panjenengan kabeh bakal bisa dadi cacak contone para Umat kabeh. Sira kabeh dikudang-kudang, diulir-ulir sejatine kowe kabeh bisa dadi jagu kang madhangake Bawono lan bisa paring pepadhang lan mareming liyan lan para umat kabeh. Sakabehing pepeteng yen to ora ngliwati jembatan “Sapta Darma” , tengah lamun yen bisa madhangake. Para Warga, sarehna kita kabeh wae nompo dawuh saka Alla utawa saka Hyang Maha Kuwasa iku wajib kok gatekno lan wajib kok lakoni.

 
Sing sopo manungsa utawa umat ora merlokake dawuhe tau kena diarani manungsa kang kleru, manungsa kang nasar, kena diarani uripe seneng ing ngisor asem. Sapta Darma kena diarani ora merguru marang umat. Kita kabeh meguru menyang Hyang Maha Kuwasa. Mula asmane Allah. Darah-darah Satriya Utama asal sarine suci – iya baliya menyang suci. Mula darah Barata dadi pangilone umat. 

Yen sampeyan bisa eling duk ing uni, tegese asale seka putih dadya menyang Putih. Sapta Darma ora bakalan duweni rasa risi maneh yen arep jembarake sayap aira. Apa kang diarani Candhi sapta Rangga ? lan ing ngendi dimunge lan duduka ? Ana Rasa dununge ana ing tutuk. Mula Nur – rohne asale putih – matune saka- tutuk ya kudu putih.

Lungguhe Nur – ya ana sabda sasekon (detik) bisa ngubengi Indonesia.Kita kabeh yen kepengin ngungahake Nur – carane kudu racurs. Mula para warga, rohne manunggaling Rasa ana tutuk – panjenengan yen ngendikan kang becik kang putih ingkang bersih. Jalaran mandine pangandikan kaya dene wesi luluh dadi banyu. 

Pramila pamrih Para Warga menawi panjenengan sadaya sampun saged makaten – sampun kanging dipun wastani sampun gadah “Sabda Dadi”. Punika kanging kula damel sawung ingkang ulosipun wiring jane (wiring kuning). Sampun ngantos dadi sawung ingkang nglucir ules larik sekul. Mandah bingahing tuntunan kita Sri Gutama, manawi kita sedaya dados sawong wiring kuning, ngabruk sepisan mangsa saged sirna...