Senin, 29 Juni 2020
- Anoto silih bebasan.
- Podho sinana ugi.
- Lara sajrone kepenak.
- Suko sajroning prihatin.
- Lawan ingkang prihatin.
- Mapan suko ing jronipun.
- Iku den sinauo.
- Lan mati sak jroning urip.
- Ing wong kuno pan manggono den gulang
- Anggilut ing Sapto Darmo
- Darono dhiri pribadi.
- Angolah elmune roso.
- Pakarti roso sejati.
- Gung roso amangesti.
- Ojo kongsi rangu rangu.
- Teteg tutug priyonggo.
- Mring Gusti manunggul aris.
- Handayani gegayuhan kang-utomo
- Amenangi jaman edan.
- Ewahono ing pambudi.
- Melu edan ora tahan.
- Yen tan melu anglakoni.
- Boyo keduman milik.
- Kaliren wekasan ipun.
- Ndilalah kersaning..Allah.
- Begjo begjane kang lali.
- Isih begjo kang iling lan waspodo
- Saben nendra saking wismo.
- Lelono laladan sepi.
- Ngisep sepuhing sipono.
- Mring pronopranawing kapti.
- Tis titising tyas marsudi.
- Mardawaning budyo tulus.
- Mesu reh kasudarman.
- Neng tepining jolonidhi.
- Sruning broto kataman wahyu jatmiko
- Pangudining elmu roso.
- Rawoso reh den teliti.
- Telusur telenging driyo.
- Drono ing laku sakalir.
- Lir pakartining resi.
- Rumaos kirang ing kawruh.
- Wruhing becik tan olo.
- Lumakso saliring karti.
- Karso kanyut manembah mring Moho Kwoso
- Sarananing Sapto Darmo.
- Darmaning laku utami.
- Mijiling satriyo tomo.
- Tan kembo ing mangastuti.
- Panuntun kang sejati.
- Sejatining urip luhur.
- Lumantar aneng Cahyo.
- Ismoyo Yhang Moho suci.
- Sesucining toyo sarining pratolo
- Dene kang aran manungso.
- Utusane Sukmo jati.
- Yo iku Pangeran kito.
- Ingkang boya ika iki.
- Podho dipun mangerti.
- Jatine kang aran ingsun.
- Kae Esa ingkang Tunggal.
- Kang mengku ing sihir katir.
- Yen tan wruho durung tetep aran ingwang
- Panuntun gung Srigutomo.
- Gumregah arso tumuli.
- Nilar aken kulowongso.
- Amulang reh ilmu aji.
- Amuji mring hyang Widhi.
- Widodo janmi sadarum.
- Saindhenging bawono.
- Yuwono saeko kapti.
- Pinitoyo wewarahing Sapto Darmo
- Tumuruning Sapto Darmo
- Yekti Wahyuning Hyang Widhi.
- Kang lahir ing tanah jowo.
- Paugeraning pro jammi.
- Anuntun mring pribadhi.
- Pameteping howo napsu.
- Dadyo lelaku-niro.
- Mesu budi amakarti.
- Dadyo wong jowo jawaning jowo dipo
- Mangastuti mring Hyang Kwoso.
- Ninging roso kanthi wening.
- Aniti lampahing roso.
- Ing saraduning pribadi.
- Liyep liyep neng karti.
- Cipto pamikir roso.
- Ngudi pakartining roso.
- Sujude Hyang Moho Suci.
- Sampurnaning manembah Moho Kuwoso
- Sujude marep mangetan.
- Sujud dumadining janmi.
- Njmbuhaken toyoroso.
- Kang dumunung aneng cethik.
- Sarananing asesuci.
- Geter pater lampahipun.
- Dumugi aneng mustoko.
- Ondho rante margi nenggih.
- Pandhingkluking reruntut kanthi satoto
- Mlampahing sari pratolo.
- Mrambat witing nogosari.
- Dumugi njinggreng saloko.
- Selo penangkep kang dhingin.
- Dene seto kumitir.
- Kang ngrerindhu aneng pununuk.
- Kanthi eling lan waspodo.
- Lampah ipun toyo suci.
- Dumugiyo jonggreng saloko kayangan
- Mandhaping sari pratolo.
- Sapto renggo den lakoni.
- Lumpuh luluh nafsuniro.
- Mahanani waras wiris.
- Ayem tentrem pribadhi.
- Bebasan satriyo gunung.
- Satriyo Damarwulan.
- Minakjinggo kang sekti angkoro murko
- Gegayuhan Sopto Darmo.
- Luhuring budi pakarti
- Memayu hayu bawono.
- Widodo ing gesang sami.
- Pawitaning aurip.
- Kanthi pangglandhining sujud.
- Mring janmi pangudiniro.
- Jejering satriyo tami.
- Nanem gunging kapitayan mring Hyang Kwoso
- Rumekso ing uripiro.
- Ing tindak kudu ngawruhi.
- Ojo dhemen lelemeran.
- Bisoa nuhoni janji.
- Ujar kang wus kawijil.
- Awasno aywo tumpang-suh.
- Mulane ora gampang.
- Lakune wong ngolah elmi.
- Ilmu iku ngwruhi sejatiniro
- Nyatane wus aneng kito.
- Kito pribadi puniko.
- Dudu angen-angen napas.
- Utek lan jejantung kaki.
- Rokh roso lawan ati.
- Kabeh sejatine dudu.
- Iku amung titipan.
- Momgko busanane dhiri.
- Kabeh iku dumunung aneng manungso
- Nulado laku utomo
- Tumrape wong tanah jawi
- Wong agung ing ngeksi gondo
- Panembahan senopati
- Kepati amarsudi
- Sudaning howo lan napsu
- Pinesu topo broto
- Tan apiking siang ratri
- Hamemangun karyanak tyasing sesomo.